يا عم ده مفيش أكتر من الحلول عندي
ماشي.. أحييك بالمناسبة إنك لسة صابر لغاية دلوقتي
احنا حددنا المشكلة.. وسببها.. وبدل خطة "ب" بقى عندنا "ج" و"د" ويمكن "هـ"..
طيب هاتختار على أساس إيه بقى ؟ أكلمها ولا أقاطعها؟ الكاراتيه ولا الكونغ فو؟ سوفتوير ولا هاردوير؟
إيه لازمة السؤال ده ؟ كل واحد فينا في أساسيات في حياته، انت مثلاً ممكن تعتبر إن أساس عندك إنك تشتغل شغل ليه دخل ثابت مش متغير، واحد تاني ميقدرش يتنازل عن إن شغله يبقى مفيهوش مجاملات اجتماعية خالص، واحد تالت ممكن يفضل شغل على شغل عشان بُعد المكان.
أساسات يعني إيه أصلا؟ هي ناقصة تعقيد؟ أنا عندي أساساتي مع نفسي ومظبط هختار إيه وليه
,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,
أساسات يعني إيه أصلا؟ هي ناقصة تعقيد؟
لو انتي بتحبي خطيبك أوي وجِه في يوم وجابلك عقد مش بتحبيه أوي وقالك: يا تلبسي العقد ده كل مرة نخرج فيها يإما هزعل.. هيكون رد فعلك إيه؟ هيكون رد فعلك حسب أساساتك وأولياتك.. لو خطيبك أولولية وأساس عندك هتختاريه وهتلبسي العقد اللي بيحبه عشان ميزعلش..
أما لو اقتناعك بشكلك أولوية أهم يبقى هتختاري إنك تزعليه عشان تحافظي على أولويتك.. عشان كدة لازم الواحد يعرف أولوياته إيه في الحياة عشان يقدر يختار صح.. أنا لو أولويتي إني أربي عضلات يبقى هركز في الرياضات اللي بتربي عضلات..
لو أولويتي إني أقعد في حتة مفيهاش سجاير يبقى هاركز على الكافيهات اللي مفيهاش سجاير.. لو أولويتي إني أرضي ربنا في شغلي هابعد خالص عن أي حتة مشبوهة..
تخيل بقى لو انتا معندكش أولويات.. هتعرف تختار أصلا؟
مكنتش واخد بالي أنا من موضوع الأولويات ده.. تعالى نرجع باك تاني كدة
,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,
أنا عندي أساساتي مع نفسي ومظبط هختار إيه وليه
خلاص احنا كدة وصلنا لآخر خطوة..
حددنا المشكلة.. وأسبابها.. والحلول الممكنة.. واخترنا من الحلول اللي يناسب أولوياتنا..
مبقاش فاضل غير إنك تحط خطة من نوع (بكرة – النادي – صالة الكاراتيه – مواعيد التمرين) أو (دلوقتي – أكلمها – أقول عاللي زعلني – أشوف هتعمل إيه) أو (الجرنال – وظايف خالية – وظيفة شغالة - مكالمة لتحديد معاد المقابلة) وتمشي في الموضوع.. وتجرب بقلب جامد القرار الجديد اللي خدته وتشوف النتيجة، مش نهاية العالم لو طلع قرارك غلط وغيرته في المرة الجاية..
لكن هاتبقى نهايتك انت لو معرفتش تاخد قرار بسيط زي اللي في الأمثلة اللي فاتت.. لو معرفتش تمشي بالخطوات المترتبة دي عشان توصل إنك تاخد قرار عشان تلعب رياضة معينة وتنفذه فعلاً عمرك ما هتعرف تاخد القرار ده لولادك لما يبقو في سن لازم انت اللي تختارلهم..
وحتى لو اخترت مش هتعرف تختار صح ببساطة لأنك مادربتش نفسك من وانت في سنك ده على اتخاذ القرارات البسيطة اللي زي دي..
يمكن اختيار رياضة تلعبها أو طريقة معاملة مع حد عمل فيك حركة مش لطيفة أو مجال شغل/تدريب في الصيف ده قرار تافه بالنسبالك.. أو بالنسبة لأي حد من اللي بيصمموا إن "اتخاذ القرار" ده لازم يكون حاجة شديدة يعني..
لكن في كل الدول المحترمة دلوقتي، الأطفال في ابتدائي بيعودوهم على الخطوات دي عشان يتخذوا قرار.. إن شاء الله يكون في شرا لعبة أو في اختيار رحلة.. المهم إنهم يعرفوا كويس أوي إن الموضوع مش عشوائي كده.. وإن كل ما تمشي بالخطوات صح كل ما فرصك في النجاح بتزيد.. الخطوات دي جبناها محطوطة في رسمة لذيذة كدة من "دليل الإرشاد للنشء والشباب" اللي طلعته اليونيسف في 2006.. وممكن تنزلها
موضوع: شباب ولكن ؟ 2 
الثلاثاء مايو 05, 2009 5:24 pm