منتديات نور الحياة

يهتم بكل ما هو جديد ومفيد
 
الرئيسيةنور الحياةس .و .جالتسجيلدخول

شاطر | 
 

 رائعة احمد فؤاد نجم دا شعب فقرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كامل حسين
مشرف مميز
مشرف مميز


عدد المساهمات : 82
تاريخ التسجيل : 20/04/2009
العمر : 32
الموقع : مصر

مُساهمةموضوع: رائعة احمد فؤاد نجم دا شعب فقرى   الإثنين أبريل 20, 2009 11:17 pm

والقصيدة بعنوان دا شعب فقرى
نظرًا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا فى جمايل
مستحيل حنردها
نستحلفك.......نسترحمك
نستعطفك......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا فى يومين شقا
عايزين نجرب الإضطهاد
ونعوم ونغرق فى الفساد
بينى وبينك حضرتك
دا شعب فقرى مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازُه" لإسرائيل
ويومين كمان ويمد النيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد "مستوطنة "
متسلطنة ومتسرطنة
إيه اللى خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم
أحمد فؤادنجم
الرجوع الى أعلى الصفحة اذهب الى الأسفل
احمد جاد عبدالوارث
مؤسس المنتدي
مؤسس المنتدي
avatar

عدد المساهمات : 998
تاريخ التسجيل : 19/04/2009
العمر : 28
الموقع : منتديات نور الحياة

مُساهمةموضوع: رد: رائعة احمد فؤاد نجم دا شعب فقرى   الثلاثاء أبريل 21, 2009 5:42 am

شكرا اخ كامل والله مواضيعك رووووووووعة
الرجوع الى أعلى الصفحة اذهب الى الأسفل
http://el7iah.yoo7.com
 
رائعة احمد فؤاد نجم دا شعب فقرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نور الحياة :: ~*¤ô§ô¤*~الاداب والفنون~*¤ô§ô¤*~ :: الشعر والادب-
انتقل الى: