منتديات نور الحياة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات نور الحياة

يهتم بكل ما هو جديد ومفيد
 
الرئيسيةنور الحياةأحدث الصورالتسجيلدخول

 

 شباب ولكن ؟ 1

اذهب الى الأسفل 
كاتب الموضوعرسالة
الامير
اداري
اداري



عدد المساهمات : 553
تاريخ التسجيل : 29/04/2009
العمر : 34

شباب ولكن ؟ 1 Empty
مُساهمةموضوع: شباب ولكن ؟ 1   شباب ولكن ؟ 1 Icon_minitimeالثلاثاء مايو 05, 2009 5:19 pm

[size=24]السلام عليكم ورحمة الله تعالى وبركاته

اخوانى واخواتى

اهلااااااااااااااااااااا بكم

فى هذا الموضوع ( شباب ولكن ؟ ) سنقرا ما يدور فى عقول شبابنا بنين وبنات وسنحاول القاء الضوء

على ما نعرضه هناااااااااااااااااااااااااااااااااااااا ااااااااااا

واتمنى المشاركة بما يعود بالنفع علينا جميعاااااااااااااااااااااااااااااااااااا ااا

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,

ببساطة اللي هانعمله دلوقتي إننا هنقعد ندردش معاك شوية.. الدردشة دي مش هانفرض عليك فيها رأينا.. لكن هاندّيك كل الاختيارات الممكنة وانت اللي تختار.. وده مش عيب طالما إن مصلحتك هي الهدف في الآخر..

إحنا هانديك أمثلة بسيطة بتشوفها كل يوم في حياتك وهناخد رأيك فيها.. ومش هتصدق إن الحاجات البسيطة دي هي اللي بتعمل منك شخصية بتعرف تاخد قرار..

هتقول قرار إيه يا عم هو أنا مسئول كبير؟ وهتقول إيه علاقة الأسئلة الغريبة دي بموضوع إتخاذ القرار ده..؟

هنقوللك خدنا على قد عقلنا بس..

وخليك معانا للآخر..

ماشي.. هات اللي عندك

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,

عاوزينك تبص على حياتك بصة سريعة كدة..
هل انت شايف إن فيها حاجة مش متظبطة وعايزة تتغير؟

إيه لازمة السؤال ده ؟ لازمة السؤال ده يا سيدي هو إنه أول خطوة في عملية اتخاذ القرار.. إن انت تعترف بينك وبين نفسك إن عندك مشكلة أصلا، وبعدين تحددها عشان تعرف تحلها

يعني مثلا.. الناس كلها بتلعب رياضة من وهي في المدرسة وانت لسه مش عارف تعمل إيه.. أو انتي متضايقة من حركة عملتها فيكي واحدة صاحبتك ومش عارفة شكل التعامل بينكو دلوقتي المفروض يبقى إزاي.. أو خلصت الكلية وحاسس إنك هتنضم لشلة العاطلين قريب..

في أي حاجة من الحاجات دي انت شايف إنها تستاهل إنك تغيرها؟

لا عادي يعني ما بتحصل كل يوم آه طبعا.. كل دي حاجات بتضايقني وعايز أغيرها

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,

عادي يعني ما بتحصل كل يوم
وهل معنى انها بتحصل كل يوم إنها صح؟ انتي متخيلة لو صاحبتك دي عزيزة عليكي أوي والحركة اللي عملتها فيكي دي أثرت فيكي ومبقيتيش قادرة تفكري غير في إن إزاي حاجة زي كدة تيجي منها"؟

في جملة بتقوللك "الضغط يولد الانفجار".. يعني لو فضلت سايب نفسك لضغوط الحياة وانت مش حاسس انها بتضغط عليك والشخص الوحيد اللي كنت حاسس إنه بيفهمك من غير ما تتكلم مبقتش بتستمع بالوقت اللي بتقعده معاه ده ممكن يخليك تنهار في الآخر ومتعرفش تعمل حاجة كويسة أو وحشة!

ومفيش حد في الدنيا معندوش مشاكل.. مفيش حد برضه عنده حل سحري لكل المشاكل.. لكن الناس الناجحة هي اللي بتبتدي أول خطوة صح وهي إنها تقول: أنا عندي مشكلة.. وأنا عايز احلها..

فكر تاني.. ودوس باك يمكن تغير اختيارك..

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,

آه طبعا.. كل دي حاجات بتضايقني وعايز أغيرها
طيب كويس.. عرفنا إن عندك مشكلة

لازم بقى يا بطل تحدد أسباب المشكلة دي.. يعني هل مشكلتك مع الرياضة إنك بتكسل مثلا؟ ولا يمكن مشكلتِك مع صاحبتِك إن هي مش واخدة بالها أصلاً إن الحركة دي ضايقتِك؟ أو يمكن عشان الناس كلها بتقولك إن مفيش شغل فقررت تريح نفسك من أولها ؟

مش عارف الصراحة آه أنا عندي كام سبب في دماغي

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,


مش عارف الصراحة
اهو انت كدة عامل زي اللي بيقول أنا جعان بس معرفش ليه! لو ماحددتش إن سبب جوعك ده إنك مكلتش من الصبح عمرك ما هتعرف تحل المشكلة.. ولو فضلتي تعبانة من حاجة مش قادرة توصفيها للدكتور عمرك ما هاتتعالجي.. يبقى مينفعش أعمل زي العيال الصغيرين وأقعد اشتكي من غير ما أحدد سبب واضح..

مش كدة ولا إيه؟

ماشي، معاك .. رجعني باك تاني على ما أفكر في الأسباب

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,


آه أنا عندي كام سبب في دماغي
طيب الحمد لله كدة قربنا.. على الأقل عرفنا إيه مشكلتنا وإيه سببها..

فاضل بقى الخطوة المهمة وهي إننا نفكر في الحل.. مش حل واحد.. لأ كذا حل..

يا ترى انت عندك كذا حل؟

إيه لازمة السؤال ده ؟ لازم دايمًا في حياتك يكون عندك "الخطة ب"، مفيش أحلى من شارع جانبي يوديك للمكان اللي انت عايزه لما يكون الشارع الرئيسي زحمة، تخيل بقى لو ماكانش في دماغك غير الشارع الرئيسي بس .. هتخسر قد إيه؟

هو سعد زغلول قالها كلمة.. مفيش فايدة يا عم ده مفيش أكتر من الحلول عندي

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,
هو سعد زغلول قالها كلمة.. مفيش فايدة
تخيل إن ده ممكن يكون سبب مشكتلك؟ إن انت معندكش غير حل يتيم واحد ومصمم عليه؟!

يمكن تكون مشكلتِك مع صاحبتِك ببساطة إنك مش قادرة تتخيلي حل تاني غير إنها تيجي تعتذر لك وتقولك إنها غلطت غلطة عمرها.. أو مش لاقي نفسك في الرياضات الموجودة ومعندكش التفكير العالي اللي يخلليك تقول طب ما أجرب رياضة غريبة وجديدة طالما الموجود مش داخل دماغي؟..

حتى في الشغل.. لسه فيه ناس لغاية دلوقتي ماشية بالكلام الأنتيكة بتاع "أنا هشتغل في تخصصي يعني هشتغل في تخصصي"..

الشخص الناجح هو الشخص اللي بيعرف يطور نفسه ويحط لنفسه بدائل تانية عشان لو خطته في الحياة فشلت لأي سبب مش بإيده.. والأهم من ده وده إنه كل يوم يكتشف في نفسه حاجة جديدة.. مين عارف؟

يمكن لو فكرت شوية تكتشف إن أكتر حاجة انت شاطر فيها بعد الحاجة الرئيسية اللي بتعملها في حياتك (حتى ولو كانت لعب الكورة) ممكن تفتحلك نجاحات مكنتش تتوقعها..

خلاص نشوفلنا كام بديل.. حتى الواحد لازم يعمل حساب الظروف..

,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,

يا عم ده مفيش أكتر من الحلول عندي
ماشي.. أحييك بالمناسبة إنك لسة صابر لغاية دلوقتي

احنا حددنا المشكلة.. وسببها.. وبدل خطة "ب" بقى عندنا "ج" و"د" ويمكن "هـ"..

طيب هاتختار على أساس إيه بقى ؟ أكلمها ولا أقاطعها؟ الكاراتيه ولا الكونغ فو؟ سوفتوير ولا هاردوير؟

إيه لازمة السؤال ده ؟ كل واحد فينا في أساسيات في حياته، انت مثلاً ممكن تعتبر إن أساس عندك إنك تشتغل شغل ليه دخل ثابت مش متغير، واحد تاني ميقدرش يتنازل عن إن شغله يبقى مفيهوش مجاملات اجتماعية خالص، واحد تالت ممكن يفضل شغل على شغل عشان بُعد المكان


تابع الجزء الثانى
الرجوع الى أعلى الصفحة اذهب الى الأسفل
 
شباب ولكن ؟ 1
الرجوع الى أعلى الصفحة 
صفحة 1 من اصل 1
 مواضيع مماثلة
-
» شباب ولكن ؟ 2
» التدخين ليس ضارا ولكن
» دين قيّم ليس كغيره,وشريعة مثلى لا يضاهيها قانون ولا تشريع , وهذا هو دور شباب الدعوة

صلاحيات هذا المنتدى:لاتستطيع الرد على المواضيع في هذا المنتدى
منتديات نور الحياة :: ؛¤ّ,¸¸,ّ¤؛°`°؛¤ القسم العام ¤؛°`°؛¤ّ,¸¸,ّ¤؛ :: قضايا الشباب-
انتقل الى: